Hainbat komunikazio-sistema daude; esaterako, zeinu-hizkuntza (ZHE). Alfabeto daktilologiko bat dugu, non esku-keinu bakoitza letra bat den. Eskuak eta keinuak erabiltzen ditugu hitzak adierazteko eta esaldiak osatzeko. Gainera, zeinu-hizkuntzan egiten ditugun keinu eta mugimenduek ekintzak, iritziak edo sentimenduak transmititzen dituzte. Herrialde bakoitzak bere ZHE dauka.

• Ezpain-aurpegi irakurketa hitz egitean ezpainak irakurtzean oinarritzen da. Horregatik da garrantzitsua pertsonaren aurrean kokatzea irakurri ahal izateko.
• Irakurketa osatua aurpegian egiten ditugun keinuetan oinarritzen da. Keinu horiek ezpainak irakurtzeko laguntza bisual gisa balio digute, soinu batzuk bereizten laguntzeko.
• Audifonoek eta kokleako inplanteek ez digute entzuteko gaitasuna itzultzen, baina ingurumen-soinuak entzutea edo entzumen-maila estandarrera iristea errazten digute.

Nolakoa izan beharko luke mugikortasunak irisgarria izateko?

• Garraio-geralekuek abisatzeko argi-seinaleak dituzte, bai geltokietan, bai autobusen eta metroko bagoien barruan.
• Ibilbideari, autobus-zenbakiari, geralekuei, iritsiera-denborari eta abarri buruzko informazioak begizta magnetiko batean sartuta daude; begizta hori hari gabe konektatzen da gorraren edo entzumen-desgaitasuna duen pertsonaren audifonora edo kokleako inplantera.

Nola egin erosketa modu irisgarrian?

• Paneletan, karteletan eta abarretan dauden testuak irakurmena errazteko egokituta daude. Irakurketa erraz horrek informazioaren eskuragarritasuna bermatzen du.
• Sarbide nagusiek eta igogailuek argi-abisuak dituzte ateak ireki direla adierazteko.
• Hari gabekobegizta magnetikoak korridore eta salmenta-linealetako beharrezko informazioa ematen die kokleako inplanteak edo audifonoak dituztenei.
• Produktuek erantzun azkarreko kodeak (QR) dituzte etiketetan.

Nola ikasi modu irisgarrian?

• Zeinu-hizkuntzaren ikasgaia (ZHE) Haur Hezkuntzako etapatik irakasten da.
• Gorputz-hezkuntzako ikasgaia eta eskolaz kanpoko jarduerak inklusiboak dira.
• Irakasleek irakurketa errazean idatzitako azpitituluekin eta testuekin osatzen dituzte beren azalpenak. Horrek ikasle guztientzako irisgarritasuna bermatzen du. Erliebean dagoen eta manipulatzeko den materiala ere erabiltzen dute.
• Irakasleek modu desberdinak dituzte ikasgai bat irakasteko eta egin beharreko jarduerak era askotara aurkezteko. Ikaskuntzaren Diseinu Unibertsala esaten diote.
• Sarbide nagusiek argi-abisuak dituzte ateak ireki direla adierazteko.
• Sarbideek sarbide-arrapalak dituzte, eta ibilbideak markatuta ikastetxeko patioko eta korridoreetako zoruan.

Nola gozatu kulturaz modu irisgarrian?

• Eraikin publiko eta museoetako informazio guztiak begizta magnetiko batean biltzen dira; begizta hori gorraren edo entzumen-desgaitasuna duenaren audifonoaren edo kokleako inplantearen seinalera zuzenean transmititzen da.
• Museoetako aretoek testu-informazioa dute; informazio horrek gidatutako ibilbidean lagundu egiten du modu autonomoan.
• Antzokiek zeinugidak dituzte, entzumen-desgaitasuna duten pertsonek kulturaz gozatzea errazteko.
• Zeinugidak bideoen multimedia-erreproduzitzaileak dira; zeinu-hizkuntzan daude eta azpitituluak dituzte.
• Antzokiek eta aisialdirako lekuek eserlekuetako lehen ilarak erreserbatuta dituzte, gorrek edo entzumen-desgaitasuna dutenek ezpainak irakurri ahal izan ditzaten obran edo ikuskizunean.
• Antzokietan azpitituluak jar ditzakete komunikazio-bitartekotzako obretan eta baliabideetan, baldin eta pertsona horrentzat askoz eskuragarriagoa den zeinu-hizkuntza jakinez gero.
• Zinema-aretoek proiektatzen dituzten filmak azpitituluekin egokitzen dituzte.
• Kontzertu-aretoek bibrazio-transmisoreak dituzte; horiek entzumen-desgaitasuna duten pertsonei musikaz gozatzen laguntzen diete.

Nola erraztu kudeaketak irisgarriak izatea?

• Eraikin publiko guztiek dituzte alarma bisualak larrialdiko abisurako.
• Hiriko zerbitzu publikoek teknologia inklusiboak dituzte: testu-telefonoa, telefono-bitartekaritzako zerbitzua edo bideo-interpretazioa HZEan (plataforma birtuala da hori; eta Internet, terminal mugikor, bideo-telefono eta abarren bidez sar daiteke bertara).
• Udaleko langile eta zerbitzu publikoetako langile askok badakite zeinu-hizkuntza (HZE).